“Pesaleidja” 2009 წლის გაზაფხულზე შეიქმნა ესტონეთში, როგორც არაკომერციული ორგანიზაცია, იმ მიზნით, რათა დახმარებოდა უსახლკარო და ცუდად მოპყრობილ ცხოველებს. ეს არის ყველაზე დიდი ცხოველთა თავშესაფარი,რომელიც იმართება მოხალისეების მიერ და აბინავებს 300-ზე მეტ კატასა და ძაღლს. “Pesaleidja” -ს მიზანია დაეხმაროს უსახლკარო და ცუდად მოპყრობილ ცხოველებს, შესთავაზოს მათ დროებითი საცხოვრებელი ადგილი, აღმოუჩინოს მხარდაჭერა და იზრუნოს მათზე. საოცარი კატის ოთახი, რომელიც პირდაპირი ჩართვის კამერაზე ჩანს, ტალინის Mustamäe რაიონში 2012 წელს გაიხსნა. ყოველდღიურად, თავშესაფარი აბინავებს 300-მდე კატას, რომლებზეც მოხალისეები ზრუნავენ.
ორგანიზაციაში ძირითად სამუშაოებს თავშესაფრები ასრულებენ, რომლებიც მოხალისეების მიერ იმართება. როგორც წარმომადგენლები ამბობენ: “ორგანიზაცია მოიცავს ადამიანებს, რომელებიც ეხმარებიან უსახლკარო ცხოველებს მხოლოდ მათ თავისუფალ დროს, და სრულიად ნებაყოფლობით. ჩვენ არ ვიღებთ არანაირ ფინანსურ მოგებას, მაგრამ რასაც ვიღებთ ესაა მადლობა და სიყვარული ცხოველებისგან, ეს კი უფრო მნიშვნელოვანია“. ყველა კატა, რომელიც განთავსებულია თავშესაფარში, ან აყვანილია, იღებს სამედიცინო დახმარებას, სითბოს და საჭიროების შემთხვევაში – დამატებით დახმარებას. ცხოველის აყვანა ამავდროულად მარტივი არაა – ახალმა მფლობელმა უნდა შეავსოს სპეციალური ფორმა, რომელიც შეფასდება და მხოლოდ ამის შემდეგ მიიღებს ცხოველს მფლობელი. მართალია პროცესი რთულია, მაგრამ ეს აუცილებელია, რათა აღმოიფხვრას ისეთი სიტუაციები, როგორებიცაა თავშესაფრიდან ცხოველის აყვანა და შემდეგ ისევ თავიდან მიტოვება.
მიუხედავად იმისა რომ თავშესაფარი მთელი ქვეყნის მასშტაბით მუშაობს, მას მაინც სჭირდება დახმარება. ამიტომ არის ასეთი მნიშვნელოვანი მათი დახმარება. ორგანიზაციები, რომლებიც წინ მიდიან მხოლოდ გულმოდგინებით, ვნებითა და სიყვარულით ცხოველების მიმართ -ასეთი ენთუზიაზისტები ყოველთვის საჭიროებენ დახმარებას და თქვენ, თქვენი მხრივ, შეგიძლიათ დარწმუნებული იყოთ, რომ თქვენი დახმარება კეთილი საქმისთვის იქნება გამოყენებული. შეიძინეთ თავშესაფრისათვის საჭირო პროდუქტები ქვემოთ მოცემულ მაღაზიაში.