Помогнете им на животните

Купувајте со нас

Купете сега! Како функционира?

Помогнете им на животните

Купувајте со нас

Купете сега! Како функционира?

“SOS-GYVŪNAI” е основана во февруари 2008, како непрофитно, не-еутаназирачко, засолниште за сите раси на скитници, напуштени и запоставени кучиња и мачки во Литванија. Само во 2010, “SOS-GYVŪNAI” успеала да најде домови за 794 кучиња и 1118 мачки.
Мисијата на “SOS Gyvūnai” е да му обезбеди на секој миленик што доаѓа во засолништето, дом со најдобри услови за живеење до крајот на животот, бидејќи веруваат дека без разлика на големината, формата или приказната, сите кучиња и мачки заслужуваат шанса да живеат долги, среќни и здрави животи.
“SOS Gyvūnai” функционира како засолниште за посвојување животни, но исто така работи и на намалување на пренаселеноста со миленици, со тоа што ги стерилизира/кастрира сите миленици пред да ги предаде на посвојување кај новите сопственици. Се тоа е можно само благодарение на донации од добри и дарежливи луѓе. Тука, во засолништето “SOS Gyvūnai”, луѓето работат напорно секој ден за да ја исполнат својата мисија и да го едуцираат населението, со споделување на своите верувања и идеи и со овозможување на посвојување на животните.
Засолништето има два главни објекти. Првиот е лоциран во периферијата на Вилниус, главниот град на Литванија и е нивното примарно засолниште. Другиот е лоциран во центарот на градот, близу шопинг центарот AKROPOLIS. Тоа е куќа за мачки која е направена во соработка со Фрискис (Friskies), со цел да привлече повеќе внимание на мачките кои се за посвојување. Како што можете да видите и на видеата за пренос во живо, оваа тактика изгледа работи и голем број на луѓе се загледуваат во прозорците на куќата за мачки секој ден.
Грижата за животните е најважната активност во засолништето “SOS Gyvūnai”. Тука, се згрижуваат бездомните животни: се лекуваат, се шишаат и бањаат, се вакцинираат, се хранат, се носат на прошетки и се посвојуваат. Одржувањето на засолништето е тешка задача која одзема многу време, труд и посветеност, но во “SOS Gyvūnai”, љубовта кон животните е движечката сила!
Ако сакате да помогнете на засолништето да се прошири и да помогне на уште поголем број на миленици, купете нешто што им е потребно на нив! Погледнете во онлајн продавницата на оваа страна и одберете нешто со што би му помогнале на засолништето.