Помогнете им на животните

Купувајте со нас

Купете сега! Како функционира?

Помогнете им на животните

Купувајте со нас

Купете сега! Како функционира?

Фондацијата за заштита на животните „White Fang“ беше креирана во 1992 година, благодарение на иницијативата и трудот на покојната Др. Вет. Мед. Руксанда Николеску, првиот активист за правата на животните во Романија. Главната активност е спасување животни кои се во непосредна опасност и управување на засолништето со не-еутаназирачка политика, кое беше изградено блиску до Букурешт со капацитет на околу 200 кучиња. Откако ќе дојдат во засолништето- кучињата добиваат медицинска грижа, антипаразитски третман, вакцини, се стерилизираат и секако се згрижуваат во засолништето додека не им се најде дом. Програмата за вдомување е една од најважните компоненти во активноста на засолништето. Со оглед на тоа што голем број од кучињата кои се спасуваат се со различни ментални или физички недостатоци, не можат да се вдомат и остануваат во засолништето целиот нивни живот. Работниците во засолништето исто така спроведуваат и програма за стерилизација, но поради недостаток на ресурси, програмата е имплементирана само во мал дел од градот. Меѓутоа, благодарение на нескршливата волја на работниците, повеќе од 1200 кучиња се стерилизирани во последните 6 години. Иако се многу посветени, засолништето нема некои поголеми планови за во иднина, бидејќи е екстремно тешко финансиски за нив да го одржуваат засолништето и животните и тоа е нивната примарна цел, поголем дел од времето. Фондацијата во моментот е во многу тешка ситуација. Имаат убаво, модерно засолниште, но немаат повеќе финансиски средства за да продолжат да се борат за добрата цел. Најважниот проблем сега им е потребата да изградат поголем септички систем, за да можат да се справат со честите поплави во засолништето и да се постави систем за греење во куќата на засолништето, каде се малите кученца, болните кучиња и мачките кои живеат таму преку зимата. Засолништето исто така ќе добредојде секаква помош, во облик на храна, ќебиња, метални садови за храна и антипаразитски продукти!